Nin muso in ye ɛntɛrinɛti kalanba dɔ ye. Hali n'a bɛ tubabu kan mɛ, a b'a ka fɛn bɛ kɛ bamanankan na. Don min na an ye ɛntɛrinɛti ɲɛfɔli daminɛ bamanankan na, n'a ye ne yɛrɛ ka kunnafonni kɔrɔlen sɛbɛnnenw kalan fasokan bulɔgu kan maneno kan, a ko nin sera ka kɛ cogodi! A fɔ nin tɛ na kɛ kunba dɔ sɔrɔlen ye an ka fasokanw kalanni na? A ko mun na ne ma se ka yaala ka maakɔrɔw ɲininka an ka kokɔrɔ caman na k'olu bila fasokan bulɔgu kan i n'a fɔ n kuma na farafinna fɛn dɔw kan cogo min na. Ne y'a jir'a la k'a fɔ k'o bɛna kɛ nga n hakili la o bɛ nɔgɔya ni ɛntɛrinɛti dɔnni ye mɔgɔw fɛ an ka togodaw la, ka mɔgɔw kalan a la sɛbɛnni kɛcogo la ni an ka kanw ye ɛntɛrinɛti kan. O la, a tɛna dan ne kelen ma, bɛɛ na se k'i hakilina sɛbɛn bamanankan na min ka d'i ye.

Ni ne ye yɔrɔdɔ digi, ni kumasen dɔ bɔra bamanankan, ni muso y'o kalan, a tɔ bɛ kabakoya. O la, a ko baara kɛra, a ko nin fɛn ka kan ka don ba la an ka kankow la, ni y'o belebele dɔ ye.

Tuma min na an ye ɛntɛrinɛti kalan in daminɛ Gara la, an y'a ɲɛfɔ kalandenw ye u bɛ se ka kunnafoni ɲini gugolu (google) kan cogo min na. O kɔ fɛ an ye bɛɛ bila i ka i sagola ɲinini kɛ gugolu kan. Bɛɛ y'i ta ɲini wa bɛɛ y'i ka jaabi sɔrɔ. O de kɛra kabako fɛn ye an ka ni togodala ɛntɛrinɛti kalanden ninnu bolo bawo, u ye u to u sigiyɔrɔ la ka kunnafoni sɔrɔ fɛnw kan, fɛn minnu kunba tun bɛ u la, ni u tun t'a dɔn u b'a kunnafoni sɔrɔ cogo min na. U ye fɛn caman ɲini. O de sen fɛ, cɛkɔrɔba dɔ, n'o ye donso ye, o y'a ɲini ka kunnafoni sɔrɔ Ameriki donsow kan. O jaabi sɔrɔlen a fɛ ɛntɛrinɛti kan, a kabakoyara kosɛbɛ, wa a nisɔndiyara kosɛbɛ. A ye tile bɛɛ k'a bora la k'a ɲɛfɔ mɔgɔw ye. O de sen fɛ, a y'a jira ko ɛntɛrinɛti kan, mɔgɔ bɛ taama ka taa jɛn fan bɛɛ k'i to i sigida la. A y'a jira ko ɛntɛrinɛti bɛ se ka kɛ sababu ye, u ka faamuyali sɔrɔ fɛn caman kan walasa ka fura sɔrɔ u ka gɛlɛya dɔw la togoda la. Kabini o kɛra, cɛkɔrɔba ma tumasi bila bilen n'a ma taa ɛntɛrinɛti kalanyɔrɔ in na. O de y'a to bi, a bɛ se ka ɲinini kɛ a yɛrɛ ye ɛntɛrinɛti kan wa a bɛ se ka cikan ci mɔgɔw ma ka mɔgɔw ka cikan kalan fana i n'a fɔ kalanden tɔw.

An sera Zezana Gara la, halisa porozɛ Halisa an ma kɛ hakilitigi ye hukumu kɔnɔ.

Katerine ni ne yɛrɛ bɛ maakɔrɔbaw kalan ɛntɛrinɛti la, Karoline bɛ demisɛnniw kalan Tubabukan ni Angilɛkan na. Oranzi Mali dɛmɛnjɛkulu baarada y'a dɛmɛ ni Konɛkisiyɔn ye Zezana Gara la. O la, an sera ka baara kɛ.

Filikiri "Flickr" tugusira dɔ bɛ yen http://www.flickr.com/photos/toujourspassages">http://www.flickr.com/photos/toujourspassages/) aw bɛ se ka jaw lajɛ min kan i n'a fɔ nin min filɛ nin ye duguma.